Sjö manna hópur frá Björgunarfélagi Akraness er þessa stundina að aðstoða við leit að unglingspilti sem féll í Núpá í Sölvadal í Eyjafirði.
Pilturinn féll í Núpá þegar hann fékk krapaflóð á sig þegar hann var að aðstoða bónda við að hreinsa krapa frá inntaki á heimarafstöð.
![](https://skagafrettir.is/wp-content/uploads/2019/12/79140398_2572730942763138_4584772778393075712_o-1132x670.jpg)
Norskir fjölmiðlar hafa fylgst með málinu á undanförnum dögum. Pilturinn bjó um tíma í Noregi en hefur á undanförnum árum verið búsettur á Íslandi.
Sjá frétt Norska ríkisútvarpsins, NRK.
Sjá frétt frá Verdens Gang, VG.
Leitin stendur enn yfir og eru á bilinu 50-60 aðilar við leitina hverju sinni.
Vikan hefur verið viðburðarrík hjá Björgunarfélagi Akraness. Sveitin sinnti minni háttar verkefnum á Akanesi á þriðjudag og miðvikudag, Tveir úr félaginu fóru til Hólmavíkur með snjóbíl til að aðstoða heimamenn í þeirra verkefnum.
![](http://localhost:8888/skagafrettir/wp-content/uploads/2019/12/78856083_2572730949429804_7837500272141139968_o-768x1024.jpg)
![](http://localhost:8888/skagafrettir/wp-content/uploads/2019/12/80643608_2572731116096454_1238619889007067136_o-1024x768.jpg)