Það er ekki oft sem að enska knattspyrnan er fréttaefni á skagafrettir.is.
Við bregðum útaf vananum þar sem við rákumst á þessa skemmtilegu limru sem fjöllistamaðurinn og sjúkraflutningamaðurinn Halldór Hallgrímsson setti fram á samfélagsmiðla í gær.
Þar beindi hann orðum sínum að einum dyggasta stuðninsmanni Liverpool á Akranesi, Ágústi Haraðarsyni – eða Gústa Harðar Dalamanni.
Tilefnið var sigur Liverpool á heimsmeistaramóti félagsliða í Katar. Liverpool sigraði Suður-Ameríkumeistarana Flamengo frá Brasilíu í framlengdum úrslitaleik þar sem Brasilíumaðurinn Roberto Firmino skoraði sigurmark enska liðsins.
Og limran er um hinn magnaða landsliðsmann frá Egyptalandi, Mohamed Salah.
Ég sá það í sjónvarpi breiðu
þeir sigruðu brassana leiðu
það eru allir að tala
um aumingja Salah
þið ættuð að gef’onum greiðu
Limrur eru fimm braglínur, yfirleitt öfugir þríliðir (⌣⌣–, gr. anapaistos), þrír í fyrstu, annarri og fimmtu línu en tveir í þriðju og fjórðu. Endarímið er aabba og oft er rímorðið í fyrstu línu örnefni eða annað sérnafn.