Tomasz Wisła hefur á undanförnum misserum glatt marga með skemmtilegum ljósmyndum sem hann hefur tekið á Akranesi og í nágrenni.
Tomasz Wisła starfar sem lasersérfræðingur hjá hátæknifyrirtækinu Skaginn 3x og aðaáhugamál hans er eins og gefur að skilja ljósmyndun.
Í vikunni birti Tomasz Wisła þessa mynd sem tekin er með stórri aðdráttarlinsu frá Akranesi – og er myndefnið skíðasvæðið í Bláfjöllum sem er í um 40 km. fjarlægð í loftlínu. Eins og sjá má á myndinni er skíðasvæðið vel upplýst og virðast Bláfjöllinn vera nánast ofaní Reykjavíkuborg.
