Sjáðu mörkin og rauðu spjöldin í 3-0 sigri ÍA gegn Leikni F. í samantekt ÍATV

Karlalið ÍA í knattspyrnu sem leikur í efstu deild, PepsiMax-deildinni, lék í gær í gegn Leikni frá Fáskrúðsfirði í Lengjubikarkeppni KSÍ.

Þetta var í fyrsta sinn sem þessi lið mætast í knattspyrnuleik en Leiknir F tryggði sér sæti í næst efstu deild á síðasta ári.

Leiknum lauk með 3-0 sigri ÍA .

Gísli Laxdal, sem er fæddur árið 2001, skoraði fyrsta mark ÍA á 39. mínútu en markið er skráð sem sjálfsmark á
Sæþór Ívan Viðarsson leikmann Leiknis. Viktor Jónsson bætti við öðru marki á 53. mínútu, og Sigurður Hrannar Þorsteinsson bætti við þriðja markinu á 89. mínútu.

Tvö rauð spjöld fóru á loft í leiknum.

Mörkin og atvikin þar sem að rauðu spjöldin fóru á loft má sjá hér fyrir neðan í samantekt frá ÍATV.