Hrafninn sem var til umfjöllunar í gær hér á skagafrettir.is er á faraldsfæti varðandi framtíðarheimili sitt á Akranesi.
Flestir hrafnar kjósa að gera sér hreiður í skóglendi, fjöllum eða við strendur.
![](https://skagafrettir.is/wp-content/uploads/2020/04/krummi-1000x670.jpg)
Það er afar sjaldgjæft að hrafnar geri sér hreiður í þéttbýli. Þessi hrafn kann hinsvegar vel við sig við Þjóðbrautina þar sem að lögreglan er m.a. til húsa.
Fyrstu tilraunir hrafnsins við hreiðurgerð á norðanverðum gaflinum við „gamla ríkið“ gengu ekki vel.
Laupur er annað nafn yfir hreiður hjá hrafninum og hefur þessi nýi íbúi við Þjóðbrautina ákveðið að færa sig yfir á suðurhliðina – eins og sjá má á þessum myndum.
Hrafninn er stærsti spörfuglinn á Íslandi og er einn af einkennisfuglum íslenskrar náttúru. Hrafninn verpir á vorin 4-6 eggjum og koma ungarnir úr eggjunum eftir um þrjár vikur.
![](http://localhost:8888/skagafrettir/wp-content/uploads/2020/04/92099096_150576346344554_308107970128904192_n-1-1024x768.jpg)
![](http://localhost:8888/skagafrettir/wp-content/uploads/2020/04/92540115_223958652184056_8445333471324274688_n-1-1024x768.jpg)