Rétt um 1500 keppendur á aldrinum 5-8 ára tóku þátt á vel heppnuðu Norðurálsmóti á Akranesi. Knattspyrnufélag ÍA stendur að þessum viðburði og var mótið í ár það 35. í röðinni.
Í ár var boðið upp á nýjan keppnishóp þar sem að keppendur á aldrinum 5-6 ára léku listir sínar. Það mót var klárað á einum degi og tóku um 300 keppendur þátt á því móti. ‘
![](https://skagafrettir.is/wp-content/uploads/2020/06/Norðurálsmót-2020105009937_282228733156970_9034289558003944756_n-1132x670.jpg)
Mikil og góð stemning einkenndi mótið – en skipulag mótsins tókst vel þrátt fyrir að óvissa hafi verið um framkvæmd mótsins allt fram í byrjun maí vegna samkomubanns vegna Covid-19.
Hlini Baldursson, verkefna – og skrifstofustjóri KFÍA segir í viðtali við Stöð 2 að framkvæmdin hafi gengið vonum framar.
„Mótshaldið hefur verið aðlagað eins og kostur er að leiðbeiningum yfirvalda um sóttvarnir,“ segi Hlini m.a.
Um 1200 keppendur voru í aldursflokknum 7-8 ára og samtals voru því um 1500 keppendur. Að sögn Hlina er það jöfnun á metfjölda frá því fyrra þegar 1500 keppendur voru á Norðurálsmótinu.
„Norðurálsmótið er skipulagt á forsendum iðkenda með það í huga að allir séu með í leiknum til þess að skapa jákvæða og skemmtilega upplifun barna sem eru að stíga sín fyrstu skref í fótbolta,“ segir Hlini ennfremur.
![](http://localhost:8888/skagafrettir/wp-content/uploads/2020/06/Norðurálsmót-2020104599386_2605099649763032_2853862249048061818_n-1024x768.jpg)
![](http://localhost:8888/skagafrettir/wp-content/uploads/2020/06/Norðurálsmót-202020200620_130751-1024x768.jpg)
![](http://localhost:8888/skagafrettir/wp-content/uploads/2020/06/Norðurálsmót-202020200620_130720-1024x768.jpg)
![](http://localhost:8888/skagafrettir/wp-content/uploads/2020/06/Norðurálsmót-202020200620_130758-1024x768.jpg)
![](http://localhost:8888/skagafrettir/wp-content/uploads/2020/06/Norðurálsmót-202020200620_130755-1024x768.jpg)