Garðalundur er einn fjölsóttasti útivistarstaður Akraness. Þar er hægt að stunda fjölbreytta hreyfingu. Útivistargildi skógræktarinnar hefur nú verið aukið enn frekar. Þar er tvinnað saman góðum æfingum og útivist í fallegu umhverfi.
Nýverið voru settar upp ellefu „Hreyfistöðvar“ í Garðalundi og er markmiðið að stuðla að aukinni hreyfingu þeirra sem leggja leið sína á útivistarsvæðið.
Þetta kemur fram í tilkynningu frá Akraneskaupstað.
![](https://skagafrettir.is/wp-content/uploads/2020/06/pjimage-1-1000x670.jpg)
Á hverri hreyfistöð er upplýsingaskilti sem veitir skýrar og góðar leiðbeiningar um æfingar sem hægt er að gera á hverri stöð.
Anna Sólveig Smáradóttir og Helga Sjöfn Jóhannesdóttir, sjúkraþjálfarar settu æfingarnar upp og eiga þær að henta öllum aldri.
Með Hreyfistöðvum í Garðalundi er útivistargildi skógræktarinnar aukið enn frekar og er þar tvinnað saman góðum æfingum og útivist í fallegu umhverfi.
Verkefnið er samstarfsverkefni Akraneskaupstaðar og Íþróttabandalags Akraness og var umsjón með verkefninu í höndum Hildar Karenar Aðalsteinsdóttur, framkvæmdastjóra ÍA.
![](http://localhost:8888/skagafrettir/wp-content/uploads/2020/06/80188555_3097452426988241_2701141000741692432_o-1-1024x498.jpg)
![](http://localhost:8888/skagafrettir/wp-content/uploads/2020/06/83669272_3097452290321588_805314647810990209_o-496x1024.jpg)
![](http://localhost:8888/skagafrettir/wp-content/uploads/2020/06/106084101_3097452120321605_3372922456194367010_o-1024x498.jpg)
![](http://localhost:8888/skagafrettir/wp-content/uploads/2020/06/83866784_3097451983654952_358416518817885806_o-1024x498.jpg)
![](http://localhost:8888/skagafrettir/wp-content/uploads/2020/06/106212069_3097451860321631_5775981142313572368_o-1024x498.jpg)