Guðmundur Tyrfingsson hefur samið við Knattspyrnufélag ÍA og mun hann leika með liðinu út leiktímabilið 2022. Guðmundur, sem er fæddur árið 2003, hefur verið lykilmaður í 2. deildarliði Selfoss undanfarin tímabil.
Hann hefur leikið 32 leiki með mfl. Selfoss og skorað 8 mörk.
Guðmundur hefur leikið með yngri landsliðum Íslands, 6 leiki með U-16, 9 leiki með U-17 og 2 leiki með U18 ára.
Jóhannes Karl Guðjónsson fagnar komu Guðmundar til ÍA í tilkynningu frá félaginu á heimasíðu KFÍA.
„Það er mjög jákvætt að fá Guðmund til félagsins. Guðmdur er ungur og efnilegur leikmaður sem passar vel inn í okkar uppbyggingu. Hann er líka með mikinn metnað til að ná langt í fótbolta og það er það sem við leitum að í leikmönnum hér á Skaganum, svo hann á bara eftir að vaxa og dafna og gera frábæra hluti í framtíðinni. Hann á framtíðina fyrir sér,“ segir Jóhannes Karl Guðjónsson, þjálfari ÍA.