Marc Mcausland, leikmaður 2. deildarliðs Njarðvíkur, var á dögunum úrskurðaður í tveggja leikja bann fyrir fólskulegt brot á Eggerti Kára Karlssyni leikmanni Kára frá Akranesi.
Eins og sjá má í myndbandinu sem birt var á Twittersíðu Ástríðan Podcast fær Eggert Kári mikið högg í andlitið frá Mcausland sem notaði olnbogann til að slá til Eggerts.
Dómari leiksins og aðstoðarmenn hans sáu ekki atvikið.
Myndbandsupptaka var því notuð í umfjöllun aganefndar KSÍ sem komst að þeirri niðurstöðu að Mcausland hefði framið alvarlegt agabrot.