Það er nóg um að vera í fótboltanum á Akranesi næstu daga. Þrír leikir eru á dagskrá á Akranesi á Íslandsmótinu í knattspyrnu.
Í dag kl. 17:30 tekur kvennalið ÍA á móti efsta liði Lengjudeildarinnar, Tindastól frá Sauðárkrók, en leikurinn fer fram í Akraneshöllinni. ÍA er öruggt með sæti í Lengjudeildinni á næsta tímabili en Tindastóll hefur tryggt sér keppnisrétt í efstu deild á næsta tímabili.
![](https://skagafrettir.is/wp-content/uploads/2020/07/ÍA-Völsungur-kvenna-knattspyrna-2020_-40-1-894x670.jpg)
Á laugardag tekur lið Kára á móti Njarðvíkingum í 2. deild karla. Leikurinn fer fram í Akraneshöllinni. Njarðvík er í baráttunni um efstu sætin en Kári er í sjötta sæti og gæti með sigri þokað sér enn hærra á töflunni.
Á sunnudaginn tekur karlalið ÍA á móti liði FH – og hefst leikurinn kl. 14:00 á Akranesvelli. ÍA er í sjöunda sæti deildarinnar en FH er í harðri baráttu um Evrópusæti og er í öðru sæti deildarinnar.
![](http://localhost:8888/skagafrettir/wp-content/uploads/2020/10/Screen-Shot-2020-10-02-at-8.59.26-AM.png)
![](http://localhost:8888/skagafrettir/wp-content/uploads/2020/10/Screen-Shot-2020-10-02-at-8.58.50-AM-1.png)
![](http://localhost:8888/skagafrettir/wp-content/uploads/2020/10/Screen-Shot-2020-10-02-at-8.58.00-AM.png)