Umhverfisviðurkenningar Akraneskaupstaðar fyrir árið 2020 voru afhentar nýverið en slíkar viðurkenningar eru árlegur viðburður. Þetta kemur fram á vef Akraneskaupstaðar.
Það er skipulags- og umhverfisnefnd Akraneskaupstaðar sem hefur umsjón með verðlaununum og tekur ákvörðun um hverjir hljóta viðurkenningar hverju sinni í samráði við fagfólk.
![](https://skagafrettir.is/wp-content/uploads/2020/11/pjimage-8-1-1000x670.jpg)
Íbúar í fjölbýlishúsinu við Skagabraut 5 á Akranesi fengu að því tilefni sérstök hvatningarverðlaun frá Akraneskaupstað.
Hvatningar viðurkenning til eigenda er veitt fyrir vel heppnaðar umbætur á virðulegu húsi sem er áberandi í götumynd í miðkjarna bæjarins.
Íbúar hafa á undanförnum misserum unnið að miklum endurbótum á þessu þriggja hæða steinsteypta húsi – sem byggt var árið 1949 eða fyrir rúmlega 70 árum.
Í dómnefnd á vegum ráðsins eru þau Helena Guttormsdóttir lektor LbhÍ, Sindri Birgisson umhverfisstjóri og Ása Katrín Bjarnadóttir Bs. í landslagsarkitektúr LbhÍ.
![](http://localhost:8888/skagafrettir/wp-content/uploads/2020/11/Screen-Shot-2020-11-09-at-10.22.19-AM.png)
![](http://localhost:8888/skagafrettir/wp-content/uploads/2020/11/Screen-Shot-2020-11-09-at-10.23.05-AM-1024x700.png)
Nefndin fór í vettvangsferðir í júlí og tók út tilnefningar. Þau unnu m.a. með fagurfræði, fjölbreytileika og samtal við almenningsrými. Markmiðið var að vekja í víðum skilningi athygli á atriðum sem skipta uppbyggingu og framtíð bæjarins máli.
Í lok október fóru fulltrúar nefndarinnar víða um bæinn til að afhenda viðurkenningar – og fylgdi ráðið sóttvarnartilmælum í hvívetna. Ragnar B. Sæmundsson bæjarfulltrúi og formaður stýrði dagskrá, ásamt ráðsmönnunum Guðríði Sigurjónsdóttur og Ólafi Adolfssyni.
![](http://localhost:8888/skagafrettir/wp-content/uploads/2020/11/Screen-Shot-2020-11-09-at-10.22.32-AM-470x1024.png)
Viðurkenningarnar eru vandaður skjöldur, innrammað skjal og gjafabréf hjá Jóni Guðmundssyni garðyrkjumanni.
Dómnefndina skipuðu þau Helena Guttormsdóttir lektor LbhÍ, Sindri Birgisson umhverfisstjóri og Ása Katrín Bjarnadóttir Bs. í landslagsarkitektúr LbhÍ. Nefndin fór í vettvangsferðir í júlí og tók út tilnefningar. Þau unnu m.a. með fagurfræði, fjölbreytileika og samtal við almenningsrými. Markmiðið var að vekja í víðum skilningi athygli á atriðum sem skipta uppbyggingu og framtíð bæjarins máli.