„Stuðningsmenn félagsins hafa í gegnum tíðina ávallt verið styrkasta stoð Knattspyrnufélags ÍA. Það er mikilvægt fyrir félagið og samfélagið hér á Akranesi að stækka enn frekar hóp stuðningsmanna. Og allir sem vilja taka þátt sem félagsmenn eru hjartanlega velkomnir,“ segir Eggert Herbertsson formaður Knattspyrnufélags ÍA í samtali við Skagafréttir.
Stjórn félagsins hefur sett sér það markmið að fjölga félagsmönnum í KFÍA. Að því tilefni sendi félagið nýverið út valgreiðslu í heimabanka hjá íbúum á Akranesi og Hvalfjarðarsveit. Þeir sem velja að taka þátt og greiða félagsaðild eru þar með orðnir félagar í Knattspyrnufélagi ÍA.
![](https://skagafrettir.is/wp-content/uploads/2020/06/ÍA-KA-knattspyrna-fótbolti-2020-karlarIMG_7558-1-1-1132x670.jpg)
Eggert bætir því við að Knattspyrnufélag ÍA standi fyrir frábæru íþrótta – og uppeldisstarfi í gegnum yngri flokka félagsins og öflugt afreksstarf er til staðar hjá meistaraflokkum kvenna – og karla.
„Til þess að þetta starf gangi upp þurfa margir að koma að því að styðja við bakið á starfinu. Félagsaðild er að okkar mati frábær leið fyrir alla sem vilja vera hluti af Knattspyrnufélagi ÍA – og taka þátt í að efla innra starf félagsins,“ segir Eggert Herbertsson formaður KFÍA.
![](http://localhost:8888/skagafrettir/wp-content/uploads/2021/04/Eggert-001.jpg)
„Félagsaðild er að okkar mati frábær leið fyrir alla sem vilja vera hluti af Knattspyrnufélagi ÍA – og taka þátt í að efla innra starf félagsins,“ segir Eggert Herbertsson formaður KFÍA.