Samþykkt að hús við Smiðjuvelli verði flutt eða rifið

Timburhús sem stendur við Smiðjuvelli 14 á Akranesi verður fjarlægt og skal því verkefni vera lokið fyrir árslok 2021.

Þetta kemur fram í fundargerð bæjarráðs Akraness. Húsið er í eigu Akraneskaupstaðar en í bókun bæjarráðs kemur fram að flytja megi húsið af lóðinni og einnig má rífa húsið.

Fyrirhugað er að reisa nýbyggingar á þessu svæði. Í febrúar 2019 var greint frá því að líkamsræktarstöðin Rebook Fitness ætlaði að opna á svokölluðu Smiðjutorgi á þessu svæði.

Ekki er vitað hvort þau áform séu enn á döfinni eða hvaða byggingar muni rísa á þessu svæði. Hér neðst í fréttinni eru myndir af þeim hugmyndum sem kynntar voru í febrúar 2019.

http://localhost:8888/skagafrettir/2019/02/01/reebok-fitness-stefnir-a-ad-opna-a-smidjutorgi/
Hér má sjá yfirlitsmynd af Smiðjutorgi – eins og það var kynnt í febrúar 2019.
Hér má sjá yfirlitsmynd af Smiðjutorgi – eins og það var kynnt í febrúar 2019.