[sam_zone id=1]

Þórður Freyr valinn í U-16 ára landslið Íslands í körfubolta



Nýverið var tilkynnt hvaða leikmenn skipa 16 ára landslið drengja sem leikur á Norðurlandamótinu 2021. Einn leikmaður úr röðum ÍA er í landsliðinu. Frá þessu er greint á vefsíðu KKÍ.

Mótið fer fram dagana 1.-5. ágúst í Kisakallio í Finnlandi. Fimm landslið taka þátt á NM, Finnland, Danmörk, Svíþjóð, Eistland og Noregur. Aðalþjálfari liðsins er Ágúst Björgvinsson, en honum til aðstoðar eru Karl Ágúst Hannibalsson og Chris Caird.

ÍA á eins og áður segir einn leikmann í liðinu en það er Þórður Freyr Jónsson. Þórður er sonur Jóns Þórs Þórðarsonar og Ingibjargar Hörpu Ólafsdóttur. Jón Þór var í fremstu röð í körfuboltanum á Akranesi um langa hríð. Jón Þór hefur rifið upp körfuboltastarfið á ný hér á Akranesi á undanförnum árum sem þjálfari og formaður deildarinnar.

U16 drengja er þannig skipað:

  • Björgvin Hugi Ragnarsson · Valur
  • Brynjar Kári Gunnarsson · Fjölnir
  • Garðar Kjartan Norðfjörð · Fjölnir
  • Hilmir Arnarson · Fjölnir
  • Jóhannes Ómarsson · Valur
  • Kristján Fannar Ingólfsson · Stjarnan
  • Orri Már Svavarsson · Tindastóll
  • Sigurður Rúnar Sigurðsson · Stjarnan
  • Tómas Valur Þrastarson · Þór Þ.
  • Týr Óskar Pratiksson · Stjarnan
  • Veigar Örn Svavarsson · Tindastóll
  • Þórður Freyr Jónsson · ÍA