[sam_zone id=1]

ÍA leikur til úrslita í Mjólkurbikarkeppni KSÍ – Gísli skoraði bæði mörkin gegn Keflavík


Karlalið ÍA leikur til úrslita í Mjólkubikarkeppni KSÍ eftir 2-0 sigur gegn Keflavík í undanúrslitum á Norðurálsvellinum í dag. Gísli Laxdal Unnarsson skoraði bæði mörk ÍA í fyrri hálfleik og staðan var 2-0 eftir 26 mínútur.

Leikmenn ÍA stóðust allar atlögur Keflvíkinga það sem eftir var leiks með frábærum varnarleik.

ÍA mætir sigurliðinu úr viðureigna Vestra og Víkings úr Reykjavík sem fram fer á eftir.

Þetta er í fyrsta sinn frá árinu 2003 sem ÍA leikur til úrslita í bikarkeppni KSÍ.