Stefán Teitur 27. leikmaðurinn úr röðum ÍA sem skorar fyrir A-landsliðið

Stefán Teitur Þórðarson skoraði sitt fyrsta A-landsliðsmark í gær fyrir karlalandslið Íslands í 4-0 sigri liðsins gegn Liechtenstein. Þetta var í fyrsta sinn sem Stefán Teitur fékk tækifæri í byrjunarliði með A-landsliðinu.

Ungir Skagamenn hafa verið á skotskónum fyrir Ísland í undanförnum verkefnum A-landsliðsins. Ísak Bergmann Jóhannesson skoraði sitt fyrsta A-landsliðsmark s.l. föstudag í 1-1 jafntefli gegn Armeníu.

Stefán Teitur og Ísak Bergmann hafa með mörkunum bæst í fjölmennann hóp leikmanna úr röðum ÍA sem hafa skorað fyrir íslenska A-landsliðið.

Alls hafa 27 leikmenn úr röðum ÍA skorað mark fyrir íslenska A-landsliðið. Ríkkharður Jónsson er markahæsti leikmaðurinn með 17 mörk í aðeins 33 leikjum og þar á eftir kemur Þórður Guðjónsson með13 mörk í 59 leikjum.

Ísak Bergmann er yngsti leikmaðurinn sem hefur skorað fyrir Ísland en hann er 18 ára gamall og bætti met sem föðurbróðir hans, Bjarni Guðjónsson átti á þessu sviði. Ísak Bergmann hefur einnig jafnað markareikninginn hjá föður sínum, Jóhannesi Karli Guðjónssyni, sem skoraði eina A-landsliðsmark sitt með þrumuskoti á útivelli gegn Noregi.