[sam_zone id=1]

Áhugaverðar breytingar á sögufrægu húsi samþykktar í Bæjarstjórn


Bæjarstjórn Akraness hefur samþykkt umsókn um breytingar á húsinu við Suðurgötu 50A.

Húsið er vel þekkt á Akranesi.

Brauða – og Kökugerðin eða Kallabakarí var með starfsemi í þessu húsnæði um margra áratuga skeið. Húsið, sem er á einni hæð, var byggt árið 1966 og er rétt um 150 fermetrar að flatarmáli. Frá árinu 2018 hefur Leirbakaríið verið með list – og menningartengda starfsemi í þessu húsnæði.

Húsinu verður breytt töluvert eins og sjá má á myndunum hér fyrir neðan. Byggð verður ein hæð til viðbótar ofaná núverandi byggingu og tvær íbúðir verða í húsinu.

Einnig verður möguleiki að nýta 1. hæð við Suðurgötu undir verslun og þjónustu. Byggð verði hæð úr timbri yfir hluta af núverandi húsi eins og meðfylgjandi myndir sýna.

Þannig lítur húsið út í dag. Mynd/Já.is

Þetta er í annað sinn sem óskað er eftir leyfi fyrir breytingum á þessu húsi en fyrri umsóknin fór í gegnum stjórnsýsluna á Akranesi í apríl á þessu ári eins og sjá má í þessari frétt.