Bæjarstjórn Akraness hefur hætt við áform um að reisa nýtt hús á opnu svæði í Jörundaholti sem mun nýtaast sem húsnæðisúrræði fyrir fatlað fólk.
Þessi nýbygging átti að vera á einni hæð og átti jafnframt að falla vel að núverandi byggð.
Þessi áform féllu ekki í góðan jarðveg hjá mörgum íbúum á Akranesi og þá sérstaklega íbúum í Jörundarholti.
Fram kemur í fundargerð bæjarstjórnar frá því í gær að bæjarstjórnin hafi einsett sér það verkefni að finna kjarnanum nýja staðsetningu í sátt við samfélagið og þá sem málið varðar.