Um 500 kórónuveirusmit greindust í gær. Þetta er langmesti fjöldi smita sem greinst hefur á einum degi, og slær út daginn áður þegar 318 smit greindust. Þetta kemur fram á vef RÚV.
Almannavarnir hafa ekki gefið út smittölur fyrir gærdaginn, en Kári Stefánsson, forstjóri Íslenskrar erfðagreiningar, segir í samtali við RÚV að fyrirtækið hafi fengið 518 jákvæð sýni til raðgreiningar í dag.
Öll jákvæð sýni eru þessi dægrin send til raðgreiningar hjá Íslenskri erfðagreiningu, meðal annars til að greina af hvaða afbrigði smitin eru.
![](https://skagafrettir.is/wp-content/uploads/2021/10/Akranes-loftmyndir-2021-23-1132x670.jpeg)
Á Akranesi eru 33 einstaklingar í einangrun með Covid-19 smit en það voru 25 í fyrradag.
Í landshlutanum eru 57 í einangrun með Covid-19 smit en það voru 45 í fyrradag eins og sjá má á þessum töflum frá Lögreglunni á Vesturlandi.
![](http://localhost:8888/skagafrettir/wp-content/uploads/2021/12/269807845_2226360670846761_6479264942178577096_n.png)
![](http://localhost:8888/skagafrettir/wp-content/uploads/2021/12/269757071_2225623384253823_4477304682068207870_n.png)
![](http://localhost:8888/skagafrettir/wp-content/uploads/2021/12/269840174_2224739307675564_1123992889887991910_n.png)