Formaður bæjarráðs Akraness gefur ekki kost á sér til endurkjörs – rúmlega 100 dagar til kosninga

Bæjarstjórnarkosningar á Akranesi fara fram þann 14. maí 2022 eða eftir 109 daga sem eru rétt tæplega 16 vikur.

Á næstu vikum kemur í ljós hvaða flokkar munu bjóða fram og hvernig listarnir verða skipaðir.

Í síðustu bæjarstjórnarkosningum, 2018, buðu fjórir listar fram og rétt tæplega 5.200 voru með kosningarétt á Akranesi á þeim tíma.

Kosningar fóru síðast fram fyrir fjórum árum eða árið 2018. Í þeim kosningum voru fjórir flokkar sem buðu fram krafta sína.

Sjálfstæðisflokkurinn undir forystu Rakelar Óskarsdóttur fékk flest atkvæði í þeim kosningum eins og sjá má á töflunni hér fyrir neðan. Samfylkingin, þar sem að Valgarður Lyngdal Jónsson í 1. sæti, fékk næst flest atkvæði og myndaði meirihluta eftir kosningar með sameiginlegu framboði Framsóknar og frjálsra á Akranesi – þar sem að Elsa Lára Arnardóttir var í efsta sæti. Miðflokkurinn bauð einnig fram, með Helgu K. Jónsdóttur í efsta sæti, og fékk flokkurinn tæplega 200 atkvæði.

Framsókn og frjálsir á Akranesi hafa nú þegar auglýst eftir áhugasömu fólki til þess að ganga til liðs við flokkinn og bjóða sig fram fyrir næstu kosningar. Elsa Lára Arnardóttir, mun ekki gefa kost á sér til endurkjörs, samkvæmt heimildum Skagafrétta.

Sjálfstæðisflokkurinn mun funda um næstu helgi og taka ákvörðun um hvernig listinn verður skipaður. Einar Brandsson hefur gefið það út að hann vilji halda áfram í bæjarpólitíkinni – en Sandra Margrét Sigurjónsdóttir ætlar ekki að gefa áfram kost á sér í framboð.

Hjá Samfylkingunni er ekki ljóst hvaða einstaklingar ætla að gefa kost á sér en þar á bæ verður tekin ákvörðun um framboðslistann á næstu vikum.

Eftirtaldir einstaklingar skipa í dag bæjarstjórn Akraness.

Aðalfulltrúar Varafulltrúar
Valgarður Lyngdal Jónsson (S) forseti bæjarstjórnarGuðríður Sigurjónsdóttir (S)
Einar Brandsson (D). 1. varaforseti bæjarstjórnarAldís Ylfa Heimisdóttir (D)
Elsa Lára Arnardóttir (B) 2. varaforseti bæjarstjórnarLiv Aase Skarstad (B)
Kristinn Hallur Sveinsson (S)Guðjón V. Guðjónsson (S)
Ragnar B. Sæmundsson (B)Karitas Jónsdóttir (B)
Bára Daðadóttir (S)Margrét Hulda Ísaksen (S)
Ólafur Adolfsson (D)Carl Jóhann Gränz (D)
Sandra M. Sigurjónsdóttir (D)Ester Björk Magnúsdóttir (D)
Rakel Óskarsdóttir (D)Ester Björk Magnúsdóttir (D)
FlokkurOddvitar Listabókstafur Atkvæði%Fulltrúar
SjálfstæðisflokkurRakel ÓskarsdóttirD1.42041,4%4
SamfylkinginValgarður Lyngdal JónssonS1.07731,2%3
Framsókn og frjálsir á AkranesiElsa Lára ArnardóttirB75321,8%2
MiðflokkurinnHelga K. JónsdóttirM1965,7%0
Auðir seðlar1012,8%
Ógildir seðlar270,8%
Samtals atkvæði3.583100%
Á kjörskrá5.18370%