Íbúum á Akranesi heldur áfram að fjölga – níunda árið í röð

Í nýjustu upplýsingum um mannfjölda á Íslandi sem birtur er á vef Hagstofu Íslands kemur fram að íbúar á Akranesi voru alls7688 í lok ársins 2021. Íbúum fjölgað um 163 alls á árinu 2021 en að meðaltali hefur íbúum fjölgað um 114 á ári frá árinu 2000.

Ef þessi þróun heldur áfram gæti 8000 íbúa múrinn rofnað árið 2025 en til samanburðar þá voru rétt rúmlega 900 íbúar á Akranesi fyrir 100 árum eða árið 1920.

Frá árinu 1998 hefur íbúum fjölgað fra úr 5,125 í tæplega 7.770.

Á þessu tímabili sem nær aftur til ársins 1998 hefur það aðeins gerst þrívegis að íbúum hafi fækkað á Akranesi á milli ára – og slíkt hefur ekki gerst frá árinu 2012.

Mesta fjölgunin á einu ári var árið 2008 þegar aukning var 425 íbúar

Þróun íbúafjölda á Akranesi 1998-2021

Árið 1880 voru rétt tæplega 500 íbúar á Akanesi og það var ekki fyrr en árið 1930 að íbúar á Akranesi fóru yfir 1000. Mesta fjölgun á einum áratug var á milli 1950-1960 en á þeim tíma fjölgaði íbúum um 1245. Á árunum 2000-2010 kom annar slíkur vaxtarkippur á Akranesi þegar 1209 íbúar bættust við á íbúaskrá bæjarsins á einum áratug.

Á árunum 1980-1990 var lítil fjölgun á Akranesi og íbúafjöldinn var nánast sá sami í heilan áratug eða um 5200.

Þróun íbúafjölda á Akranesi 1880 -2020 – Áratugir