Í dag var dregið í forkeppni í Mjókurbikarkeppni karla og kvenna í knattspyrnu.
Karlalið ÍA, sem lék til úrslita gegn Víkingum úr Reykjavík, þarf ekki að taka þátt í forkeppninni og verður liðið í „hattinum“ þegar dregið verður í 32-liða úrslitum keppninnar.
Kvennalið ÍA mætir liði Fjölnis úr Grafarvogi í forkeppninni og fer sá leikur fram kl. 19.00 föstudaginn 29. apríl 2022 í Akraneshöllinni.
Lið Kára fær einnig heimaleik gegn Árborg og fer sá leikur fram kl. 14.00 sunnudaginn 10. apríl.
Sigurliðið úr þeirri viðureign mætir annaðhvort Víkingi úr Ólafsvík eða Berserkjum í 2. umferð sem fer fram laugardaginn 23. apríl 2022.
Smelltu hér fyrir alla leikina í karlaflokki í Mjólkurbikarkeppninni 2022.
Smelltu hér fyrir alla leikina í kvennaflokki í Mjólkurbikarkeppninni 2022.
Víkingur Reykjavík er ríkjandi Mjólkurbikarmeistari í meistaraflokki karla, og Breiðablik, í meistaraflokki kvenna.