Tveir Skagamenn hafa gefið kost á sér í stjórn – og varastjórn Knattspyrnusambands Íslands, KSÍ. Kosið verður í ýmis embætti hjá KSÍ á ársþinginu sem fram fer þann 26. febrúar á Ásvöllum í Hafnarfirði.
Bráðabirgðastjórn KSÍ var skipuð þann 2. október og sex af átta aðilum úr þeirri stjórn óska eftir endurkjöri.
Pálmi Haraldsson býður sig fram í stjórn KSÍ og Halldór Breiðfjörð Jóhannsson býður sig fram í varastjórn KSÍ.
Skagakonan Margrét Ákadóttir hefur verið varamaður í stjórn frá því í október á síðasta ári en hún óskar ekki eftir endurkjöri.
Sævar Pétursson og Vanda Sigurgeirsdóttir bjóða sig fram í embætti formanns.
Valgeir Sigurðsson og Ingi Sigurðsson gefa ekki kost á ser og þá bjóða þeir Ívar Ingimarsson, Jón Páll Pálmason, Lárus Bl. Sigurðsson, Pálmi Haraldsson, Sváfnir Gíslason og Torfi Rafn Halldórsson sig fram.
