Guðmundur Sigurðsson frá ÍA og Snæfríður Telma Jónsson frá ÍR eru Íslandsmeistarar 2022 í öldungaflokki í keilu.
Úrslitin á Íslandsmóti öldunga réðust í gær þar sem þrír efstu háðu úrslitakeppni.
Þetta er í þriðja sinn sem Guðmundur fagnar þessum Íslandsmeistaratitli. Hann hefur nú jafnað við Rögnu Matthíasdóttur sem vann þetta mót einnig þrisvar sinnum á sínum glæsta keiluferli. Snæfríður Telma er að vinna þetta mót í fyrsta sinn.
Í karlaflokki mættust í úrslitunum Þórarinn Már Þorbjörnsson úr ÍR sem leiddi mótið í gegn um forkeppnina og undanúrslit og Sveinn Þrastarson úr KFR.
Fyrirkomulag úrslitanna er eins og í öðrum Íslandsmótum einstaklinga, efstu 3 leika einn leik og dettur sá með lægst skorið út og hinir tveir leika um titilinn. Sveinn varð í 3. sæti mótsins og þar af leiðandi Þórarinn í því öðru.
Hjá konum varð það Linda Hrönn Magnúsdóttir úr ÍR sem varð í 3. sæti en hún leiddi keppnina fram að úrslitum. Í öðru sæti varð Bára Ágústsdóttir úr ÍR.
Nánar á vef Keilusambands Íslands.
 |
 |
 |
|