Knattspyrnufélag ÍA og Íslandsbanki hafa á undanförnum árum átt gott samstarf og nýverið var skrifað undir nýjan samning til næstu tveggja ára.
Frá vinstri: Magnús Brandsson útibússtjóri Íslandsbanka, Magnea Guðlaugsdóttir, Aldís Ylfa Heimisdóttir, Jaclyn Poucel Árnason og Geir Þorsteinsson framkvæmdastjóri KFÍA.
![](https://skagafrettir.is/wp-content/uploads/2022/03/islia-1132x670.webp)
Íslandsbanki verður áfram viðskiptabanki félagsins auk þess að styðja með öflugum hætti starfsemi félagsins, meistaraflokka og yngri flokka. Keppnisbúningur félagsins mun bera merki Íslandsbanka.
Þetta kemur fram í tilkynningu frá félaginu.
„Í samningi aðila er lögð áhersla á fagmennsku í starfi Knattspyrnufélags ÍA, s.s. í uppeldis-, jafnréttis- og forvarnarmálum. Viðstaddar undirritun samningsins voru þjálfara meistara-, 2. og 3. flokks kvenna, þær Magnea Guðlaugsdóttir, Aldís Ylfa Heimisdóttir og Jaclyn Poucel Árnason. Sú staðreynd að konur fari með öll þessi störf, sem eru fátítt í knattspyrnunni, endurspeglar vel áherslur Knattspyrnufélags ÍA,“ segir í tilkynningunni.