Leiklistahópurinn Halli Melló úr FVA hefur á undanförnum vikum verið að æfa söngleikinn Útfjör.
Hér má sjá viðtal við Gunnar Björn Guðmundsson leikstjóra rétt áður en að söngleikurinn var frumsýndur í Bíóhöllinni á Akranesi.
Söngleikurinn er byggður á teiknimyndasögunni Alison Bechdel þar sem að fjallað er um lífshlaup hennar.
Þýðing á verkinu er eftir Önnu Gunndísi Guðmundsdóttur og Einar Aðalsteinsson.
Útfjör er grátbroslegt fjölskyldudrama, verk sem er byggt á endurminningum Alison Bechdel, en við hana er kennt próf sem notað er til að greina bíómyndir út frá kynjajafnrétti.
Prófið gengur út á að meta hvort í kvikmynd séu a.m.k. tvær konur sem eru nafngreindar persónur; að tvær konur eigi vitrænt samtal í myndinni; og það sé ekki um stráka.
Furðu fáar myndir uppfylla þessi skilyrði.
Hér má sjá viðtal við Gunnar Björn Guðmundsson leikstjóra sem Skagafrettir.is tóku í dag.
 |
 |
 |
 |