Kvennalið ÍA í knattspyrnu er komið áfram í 16-liða úrslit í Mjólkurbikarkeppni KSÍ eftir stórsigur, 6-1, gegn liði Fjölnis úr Grafarvogi í Akraneshöllinni í gærkvöld.
Leikurinn var í 1. umferð keppninnar og eins og áður segir verður ÍA í pottinum þegar dregið verður í 16-liða úrslitum keppninnar.
![](https://skagafrettir.is/wp-content/uploads/2022/04/ÍA-Völsungur-kvenna-knattspyrna-2020_-135-1132x670.jpeg)
Hin þaulreyndi leikmaður Unnur Ýr Haraldsdóttir skoraði fyrsta markið á 9. mínútu áður en Ylfa Laxdal Unnarsdóttir bætti við öðru marki á 25. mínútu. Þannig var staðan í hálfleik.
Lilja Björg Ólafsdóttir skoraði þriðja mark ÍA á 64. mínútu og skömmu síðar skoruðu gestirnir og minnkuðu muninn í 3-1.
Unnur Ýr Haraldsdóttir bætti við fjórða markinu og sínu öðru marki í leiknum á 67. mínútu – staðan 4-1.
Thelma Björg Rafnkelsdóttir bætti fimmta markinu við fimm mínútum fyrir leikslok, staðan 5-1 og Lilja Björg Ólafsdóttir gulltryggði 6-1 sigur með sjötta marki ÍA í uppbótartíma.
![](http://localhost:8888/skagafrettir/wp-content/uploads/2022/04/Screen-Shot-2022-04-30-at-8.25.35-AM-1024x296.png)
![](http://localhost:8888/skagafrettir/wp-content/uploads/2022/04/Screen-Shot-2022-04-30-at-8.26.06-AM-876x1024.png)
![](http://localhost:8888/skagafrettir/wp-content/uploads/2022/04/Screen-Shot-2022-04-30-at-8.26.19-AM-1024x865.png)