Knattspyrnufélagið Kári lék sinn fyrsta leik á Íslandsmótinu í knattspyrnu í gær á útivelli gegn liði Sindra á Höfn í Hornafirði.
Liðin eru í 3. deild en lið Sindra endaði í fjórða sæti deildarinnar í fyrra – en Kári hefur ekki leikið í 3. deild frá árinu 2017 þegar liðið sigraði í deildinni.
![](https://skagafrettir.is/wp-content/uploads/2022/05/279970784_485350906712317_2232729160462373596_n-1132x640.jpeg)
Kári féll úr 2. deildinni s.l. haust eftir fjögurra ára veru í þriðju efstu deild Íslandsmótsins.
Lið Kára er að stórum hluta skipað ungum leikmönnum sem hafa leikið með yngri flokkum ÍA.
Í liðinu eru einnig þaulreyndir leikmenn á borð við Andra Júlíusson sem skoraði jöfnunarmark Kára þegar 6 mínútur voru komnar fram yfir venjulegan leiktíma – úr vítaspyrnu.
Robertas Freidgeimas kom heimamönnum yfir á 78. mínútu en þegar skammt var eftir af leiknum var brotið á Nikulási Ísari Bjarkasyni í vítateig Sindra og vítaspyrna dæmd. Andri skoraði úr vítaspyrnunni og tryggði Kára gott stig á erfiðum útivelli.
Káramenn komu nokkuð sáttir heim á Skagann rétt um miðnætti í gærkvöldi eftir um 1000 km. akstur til og frá Hornafirði.
Næsti leikur hjá Kára er á kosningadaginn og fer sá leikur fram í Akraneshöllinni kl. 14:00 laugardaginn 14. maí – þar sem að KFS úr Vestmannaeyjum er mótherji Skagaliðsins.
![](http://localhost:8888/skagafrettir/wp-content/uploads/2022/05/Screen-Shot-2022-05-08-at-9.47.43-AM-1024x185.png)
![](http://localhost:8888/skagafrettir/wp-content/uploads/2022/05/Screen-Shot-2022-05-08-at-9.47.56-AM-871x1024.png)
![](http://localhost:8888/skagafrettir/wp-content/uploads/2022/05/Screen-Shot-2022-05-08-at-9.48.04-AM-1024x826.png)
Alls eru 12 lið í 3. deild og hér má sjá stöðuna eftir 1. umferðina.
![](http://localhost:8888/skagafrettir/wp-content/uploads/2022/05/Screen-Shot-2022-05-08-at-10.02.36-AM-1024x1008.png)
![](http://localhost:8888/skagafrettir/wp-content/uploads/2022/05/Screen-Shot-2022-05-08-at-10.11.14-AM-1024x590.png)