Karlalið ÍA mætir Breiðabliki í 16-liða úrslitum Mjólkurbikarkeppni KSÍ 2022. Jón Þór Hauksson, þjálfari ÍA, fékk það verkefni í dag að draga mótherja ÍA og kom topplið Bestu deildar karla upp úr hattinum.
Leikurinn fram 26. eða 27. júní á heimavelli ÍA, Akranesvelli / Norðurálsvelli.
ÍA hefur 9 sinnum fagnað sigri í bikarkeppni KSÍ – en liðið lék til úrslita s.l. haust gegn Víkingi úr Reykjavík sem fagnaði sigri í þeim úrslitaleik á Laugardalsvelli.
Breiðablik hefur tvívegis leikið til úrslita í bikarkeppni KSÍ og landað einum titli, árið 2009, þegar liðið sigraði Fram 5-4 í vítaspyrnukeppni.
ÍA og Breiðablik mættust í Bestu deild karla þann 7. júní s.l. á Akranesvelli þar sem að Blikar höfðu mikla yfirburði og sigruðu 5-1.
16-liða úrslit Mjólkurbikars karla fara fram dagana 26. og 27. júní.
Leikir í 16-liða úrslitum eru eftirfarandi:
ÍA – Breiðablik
FH – ÍR
KA – Fram
Selfoss – Víkingur R.
Ægir – Fylkir
HK – Dalvík/Reynir
Njarðvík – KR
Kórdrengir – Afturelding
 |
 |
 |
 |