Keppendur verða með mörg járn í eldinum á Norðurlandameistaramótinu í eldsmíði sem fram fer á Akranesi við Byggðasafnið í Görðum dagana 11.-14. ágúst. Þetta kemur fram í tilkynningu.
Keppendur og dómarar koma frá Íslandi, Finnlandi, Noregi, Svíþjóð og Danmörku í öllum keppnisgreinum.
Helstu markmið mótsins er að viðhalda áhuga og þekkingu á hinu forna handverki á Norðurlöndunum. Kappkostað er að viðhalda gæðum við kennslu og vinnslu. Mótið er einnig haldið til að styrkja samstarf eldsmiða.
Dagskrá mótsins er eftirfarandi:
Fimmtudagur 11. ágúst
Móttökuathöfn
Föstudagur 12. ágúst
13-17 Bjartasta vonin, frjáls efnistök
Kvöldtónleikar, hljómsveitin Kveinstafir
Laugardagur 13. ágúst
11- 15 Sveinar, skarpt horn og slegið gat
16-18 Liðakeppni
Markaðstjöld
Hátíðarkvöldverður
Sunnudagur 14. ágúst
11-15 Meistarar, skörp horn, slegið gat, samsuða og teikning
15-16 Verðlaunaafhending og keppnis slit.Allir keppendur munu fá sama verkefnið, sem er að smíða Akkeri.
Mótið er haldið fyrir opnum dyrum á útisvæði Byggðasafnsins og þar verður hægt að fræðast um eldsmíði.
Keppnin er haldin á vegum félags Íslenskra eldsmiða og styrkt af Sóknaráætlun Vesturlands og Byggðasafninu að Görðum, Akranesi.
         |
|
|
|