Sylvía Þórðardóttir hefur á undanförnum misserum skipað sér í fremstu röð á Íslandi í klifuríþróttinni. Sylvía jafnaði sinn besta árangur nýverið þegar hún náði að klifra leiðina sem kölluð er „Fred Flintstone“ í Miðskjóli á Hnappavöllum. Skagakonan er þar með þriðja konan sem nær að klifra þessa leið. Þetta kemur fram í tilkynningu frá Klifurfélagi ÍA.
![](https://skagafrettir.is/wp-content/uploads/2022/09/20220712_181305-1132x670.jpg)
Þessi leið er í styrkleikagráðuinni 7b og er þetta í annað sinn sem Sylvía nær að klifra leið í þessum styrkleikaflokki. Það gerði hún þegar hún var aðeins fjórtán ára þar sem hún fór upp leiðina „Leikið á Alls Oddi“.
„Fred Flintstone“ leiðin hefst á erfiðu klifri upp létt yfirhangandi vegg, á tæpum tökum og krefst mikils styrks og jafnvægis. Sylvía eyddi góðum tíma í að fínstilla allar hreyfingar til þess að komast gegnum erfiðasta part leiðarinnar, og að honum loknum kláraði hún leiðina örugglega upp í topp.
Sylvía undirbýr sig nú undir þátttöku á Norðurlandamótinu í línuklifri sem fram fer 24. september í Helsinki, en frá Klifurfélagi ÍA fara einnig þær Þórkatla Þyrí Sturludóttir og Beníta Líf Pálsdóttir, sem keppa í B-flokki stúlkna.
Hér er myndband frá því þegar Sylvía klifraði „Fred Flintstone“ leiðina.
![](http://localhost:8888/skagafrettir/wp-content/uploads/2022/09/301566101_1720570104995274_1505159310064134853_n.jpg)
![](http://localhost:8888/skagafrettir/wp-content/uploads/2022/09/20220826_200500-scaled.jpg)
![](http://localhost:8888/skagafrettir/wp-content/uploads/2022/09/20220713_121550-scaled.jpg)
![](http://localhost:8888/skagafrettir/wp-content/uploads/2022/09/20220712_182549-scaled.jpg)
![](http://localhost:8888/skagafrettir/wp-content/uploads/2022/09/20220712_181528-scaled.jpg)
![](http://localhost:8888/skagafrettir/wp-content/uploads/2022/09/20220712_181305-scaled.jpg)