Kvennalið ÍA tapaði naumlega fyrir toppliði Fram í gær í 2. deild kvenna á Íslandsmótinu í knattspyrnu.
Lokatölur 3-2.
Það var heitt í kolunum á nýjum heimavelli Fram í Úlfarsárdal þar sem að tvö rauð spjöld fóru á loft í hörkuleik.
ÍA er í fimmta sæti í efri hluta deildarinnar með 25 stig en Fram er í efsta sæti með 32 stig.
Unnur Ýr Haraldsdóttir kom ÍA yfir á 19. mínútu en Ylfa Margrét Ólafsdóttir jafnaði fyrir Fram á 27. mínútu.
Magnea Guðlaugsdóttir þjálfari ÍA fékk rautt spjald mínútu síðar og Jessica Grace Kass Ray kom Fram í 2-1 á 35. mínútu.
Bryndís Þórólfsdóttir fyrirliði ÍA fékk rautt spjald á 36. mínútu þegar hún fékk sitt annað gula spjald í leiknum. Lára Mist Baldursdóttir kom Fram í 3-1 á 67. mínútu áður en Samira Suleman minnkaði muninn fyrir ÍA á 86. mínútu.
     |
|
|
|