Knattspyrnufélag ÍA hélt lokahóf s.l. laugardag þar sem að veittar voru ýmsar viðurkenningar.
Karlalið félagsins náði ekki að halda sæti sínu í Bestu deildinni og leikur í næst efstu deild á næsta tímabili, Lengjudeildinni.
![](https://skagafrettir.is/wp-content/uploads/2022/10/313441572_564063749054422_6128734035941505464_n-940x670.jpg)
Kvennalið félagsins var í baráttu um að komast upp úr 2. deild Íslandsmótsins sem er þriðja efsta deild.
Í meistaraflokki kvenna var Bryndís Rún Þórólfsdóttir valin besti leikmaður og hin 14 ára Sunna Rún Sigurðardóttir var valin efnilegasti leikmaður liðsins. Þess má geta að þær eru systradætur.
Í meistaraflokki karla var Eyþór Aron Wöhler valinn besti leikmaðurinn en hann var markahæsti leikmaður ÍA með 9 mörk.
Haukur Andri Haraldsson var valinn efnilegasti leikmaðurinn í meistaraflokki karla en hann er 17 ára. Eyþór Aron er á förum frá ÍA en hann hefur samið við Íslandsmeistaralið Breiðabliks.