Menningarverkefnið Skaginn syngur inn jólin hófst fyrir skemmstu.
Ólafur Páll Gunnarsson og Hlédís Sveinsdóttir halda utan um verkefnið líkt og undanfarin tvö ár.
Á hverjum degi fram að jólum verður nýr gluggi opnaður í þessu tónlistardagatali sem hefur vakið mikla athygli á undanförnum árum.
Í dag var áttundi gluggi dagatalsins opnaður.
Danshópurinn Sporið á sviðið í dag. Hópurinn flytur Grýlukvæði – sem er þjóðlag og kvæðið er eftir Stefán Ólafsson.
