Lesendur Skagafrétta fá hrós dagsins

Kæri lesandi. Alþjóð­legi hrós­dag­ur­inn er hald­inn hátíð­legur í dag víðsvegar um veröldina. Fyrst var haldið upp á daginn í Hollandi fyrir tæpum tveimur áratugum – og frá þeim tíma hefur þessi hefði fest sig í sessi, meðal annars hér á Íslandi og Akranesi. 

Skagafréttir senda þér og þínum bestu kveðjur í tilefni dagsins – og þakka um leið kærlega fyrir þann stuðning sem Skagafólk nær og fjær hefur sýnt í verki með aðkomu sinni að bæjarfréttamiðlinum skagafrettir.is.

Það er samt sem áður heilmikið pláss fyrir fleiri í stuðningsliðinu – og þú mátt endilega láta það berast í þínu nærumhverfi.

Nánar hér.

Hvers vegna ættir þú að styrkja Skagafréttir? 

Hér eru nokkur atriði sem gætu hjálpað þér að taka ákvörðun. 

• Íslensk fyrirtæki nota í auknum mæli erlenda samfélagsmiðla sem auglýsingamiðil. 

• Á síðasta ári fengu Facebook og Google um 10 milljarða kr. frá íslenskum fyrirtækjum í gegnum auglýsingar.

• Þetta er þróun sem er komin til að vera.

• Risafyrirtækin taka sífellt meira til sín á þessum markaði – án þess að leggja neitt að mörkum í nærsamfélagið.

• Samfélagsmiðlar skrifa ekki fréttir úr nærsamfélaginu – það gera bæjarfréttamiðlar sem eiga undir högg að sækja..  

Skagafréttir bera þá von í brjósti að þið lesendur, Skagamenn nær og fjær, íhugi þá stöðu sem bæjarfréttamiðlar búa við í harðri samkeppni á auglýsingamarkaði. 

Þið kæru lesendur eruð í aðalhlutverki í því verkefni að Skagafréttir haldi áfram að beina athyglinni að því sem er að gerast í samfélaginu á Akranesi. Það gerið þið með því að sýna stuðning ykkar í verki með frjálsum framlögum – sem má líta á sem áskrift að jákvæðum fréttum úr ört vaxandi samfélagi á Akranesi.