Mikilvægur leikur hjá ÍA í körfunni í kvöld

ÍA mætir liði Ármanns í kvöld í íþróttahúsinu við Vesturgötu á Íslandsmóti karla í körfuknattleik. 

Liðin eru í harðri baráttu um laust sæti í úrslitakeppninni. 

Leikurinn hefst kl. 19:15 en ÍA er í næst neðsta sæti deildarinnar með 16 stig líkt og Ármann sem er í sæti nr. 8. með 16 stig. 

Þar fyrir ofan eru Hrunamenn og Selfoss með 18 stig. 

ÍA hefur leikið tvívegis við Ármenninga á þessari leiktíð í næst efstu deild – hafa Ármenningar haft betur í báðum leikjunum. 

Liðin í sætum 2-5 keppa í úrslitakeppni um laust sæti í efstu deild á næsta tímabili. Álftanes er nánast öruggt með sæti í efstu deild en liðið sem endar efst í deildarkeppninni fer beint upp í Subway-deildina. 

ÍA á enn tölfræðilega möguleika á að komast í fimmta sætið. 

Næstu leikir ÍA eru: 
03.mars: ÍA – Ármann 
06. mars: Fjölnir – ÍA 
10. mars: ÍA – Hrunamenn
17.mars: Álftanes – ÍA 
24. mars: ÍA – Skallagrímur