Það var mikið um að vera á fyrsta heila starfsári Fab Lab Vesturlands í nýsköpunarsetrinu á Breið á Akranesi. Mikið var um heimsóknir þar sem að gestir fengu að kynna sér tækjakosti og möguleikum smiðjunnar.
Tæplega 5400 heimsóknir voru í Fab Lab Vesturlands á árinu 2022. Framundan er vinna við að fullklára uppsetningu smiðjunnar, sem og kaup á tækjum og tólum til að auka mögleika smiðjunnar í kennslu og stafrænni nýsköpun.
![](https://skagafrettir.is/wp-content/uploads/2023/03/fablab-vesturlands--1132x670.jpeg)
Á árinu voru valáfangar fyrir unglingastigið í Brekkubæjarskóla, áfangar í FVA í skapandi starfi og Endurhæfingarhúsið Hver var með fasta tíma í hverri viku sem voru vel sóttir.
Þetta kemur fram í árskýrslu Fab Lab sem má lesa í heild sinni hér.
Markmiðið með starfsemi Fab Lab smiðjanna er að auka þekkingu skólafólks og almennings á persónumiðaðri framleiðslu og stafrænum framleiðsluaðferðum. Verkefninu er ætlað að auka áhuga á verk – og tækninámi í grunn og framhaldsskólum, auka tæknilæsi og tæknivitund og efla hæfi til nýsköpunar í námi og atvinnulífi.
![](https://skagafrettir.is/wp-content/uploads/2023/03/Screenshot-2023-03-14-at-11.12.28-AM-1200x848.png)
![](https://skagafrettir.is/wp-content/uploads/2023/03/Screenshot-2023-03-14-at-11.12.39-AM-1200x731.png)
![](https://skagafrettir.is/wp-content/uploads/2023/03/Screenshot-2023-03-14-at-11.12.48-AM-1200x848.png)