Búkolla hefur á undanförnum árum verið í stóru hlutverki þegar kemur að sjálfbærni og endurvinnslu hjá íbúum á Akranesi.
Nytjamarkaðnum var lokað í maí á síðasta ár vegna slæmra loftgæða í húsinu við Vesturgötu 62 og hefur starfssemin verið í dvala frá þeim tíma.
Stefnt var að opnun Búkollu í mars á þessu ári í húsnæði Trésmiðjunnar Akurs við Smiðjuvelli 9.
Í dag gaf Akraneskaupstaður út tilkynningu og þar segir að Búkolla muni opna í júní.
Þar er sagt frá því að framkvæmdum á nýju húsnæði Búkollu hafi dregist vegna utanaðkomandi aðstæðna, en unnið sé hörðum höndum að uppbyggingu.
Opnunardagsetning verður tilkynnt sérstaklega þegar ákvörðun liggur fyrir.
