ÍA og Kári voru bæði í „hattinum“ þegar dregið var í 32-liða úrslitum Mjólkurbikarkeppni karla hjá Knattspyrnusambandi Íslands í dag.
ÍA mætir Keflavík á útivelli – en ÍA er í næst efstu deild en Keflavík er í efstu deild, Bestu deildinni. Það var Sigurður Ragnar Eyjólfsson, þjálfari Keflavíkur, sem dró ÍA upp úr hattinum í dag en þess má geta að Sigurður Ragnar var um tíma leikmaður ÍA.
Kári, sem leikur í þriðju efstu deild, fær heimaleik gegn liði Þórs frá Akureyri. Það var Andri Júlíusson þjálfari Kára sem dró nafn Þórs upp úr hattinum í dag. Það er Skagatenging í lið Þórs þar sem að Þorlákur Árnason þjálfari Þórs var um tíma yfirþjálfari yngri flokka á Akranesi – og sonur hans, Indriði Þorláksson, leikur með liði ÍA um þessar mundir.
Leikirnir fara fram á tímabilinu 19.-21. apríl.
Grindavík – Dalvík/Reynir
HK – KFG
Víkingur R. – Magni
Kári – Þór Ak.
Sindri – Fylkir
KA – Uppsveitir
Njarðvík – KFA
Fram – Þróttur R.
KR – Þróttur V.
Grótta – KH
Stjarnan – ÍBV
Keflavík – ÍA
Leiknir R. – Selfoss
Ægir – FH
Kría eða Fjölnir – Breiðablik
Valur – RB
