Kvennalið ÍA í knattspyrnu heldur áfram að gera góða hluti í 2. deild Íslandsmótsins 2023. Í gær tók ÍA á móti ÍR en liðin voru fyrir leikinn í efri hluta deildarinnar.
Unnur Ýr Haraldsdóttir skoraði fyrsta mark leiksins á 27. mínútu með sannkölluðum þrumufleyg. Staðan var 1-0 í hálfleik.
![](https://skagafrettir.is/wp-content/uploads/2023/05/0H5A8869-1132x670.jpg)
Marey Edda Helgadóttir kom ÍA í 2-0 með marki á 82. mínútu.
ÍR náði að minnka muninn rétt fyrir leikslok þegar Lovísa Guðrún Einarsdóttir skoraði fyrir gestina.
ÍA er í efsta sæti deildarinnar með 13 stig eftir 5 umferðir en þar fyrir neðan eru Haukar og ÍR.
Næsti leikur ÍA er á Húsavík laugardaginn 10. júní þar sem að Skagakonur leika gegn liði Völsungs.
![](https://skagafrettir.is/wp-content/uploads/2023/05/Screenshot-2023-05-31-at-10.28.31-AM-1200x913.png)