Karlalið ÍA landaði frábærum 5-2 sigri í kvöld á útivelli gegn toppliði Aftureldingar í Mosfellsbæ.
Með sigrinum fór ÍA upp í annað sæti deildarinnar en liðið hefur ekki tapað leik frá því í byrjun júní.
ÍA hefur unnið sjö af síðustu átta leikjum sínum í deildinni og gert eitt jafntefli.
Viktor Jónsson var á skotskónum í kvöld en hann skoraði fjögur mörk og Hlynur Sævar Jónsson skoraði eitt marka ÍA.
Viktor Jónsson (35., 53., 69., 72. ), Hlynur Sævar Jónsson (64.).
Þetta var fyrsti tapleikur Aftureldingar á tímabilinu.
