Kylfingar frá Golfklúbbnum Leyni stóðu sig vel á Íslandsmóti unglinga sem fram fór í Vestmannaeyjum dagana 18.-20. ágúst. Elsa Maren Steinarsdóttir varð jöfn í þriðja sæti í 17-21 árs flokki stúlkna og Guðlaugur Þór Þórðarson varð annar í flokki 15-16 ára pilta.
Keppt var í tveimur aldursflokkum í Eyjum og voru alls sex leikmenn úr röðum Leynis í mótinu en alls tóku 78 þátt.
![](https://skagafrettir.is/wp-content/uploads/2023/08/Untitled-design-9-1132x670.png)
Guðlaugur Þór Þórðarson átti eftirminnilega helgi en hann fór holu í höggi í mótinu á 17. braut Vestmannaeyjavallar. Guðlaugur Þór er aðeins fimmti kylfingurinn sem fer holu í höggi á 17. braut Vestmannaeyjavallar frá því að brautin var tekin í notkun.
Guðjón Frans Halldórsson er Íslandsmeistari í golfi 2023 í piltaflokki 15-16 ára. Guðjón lék á 208 höggum eða 2 höggum undir pari vallar. Guðlaugur Þór Þórðarsojn, GL, varð annar á 218 höggum og Gunnar Þór Heimisson, GKG, varð þriðji á 220 höggum.
Sara Kristinsdóttir, GM, er Íslandsmeistari unglinga 2023 í stúlknaflokki 17-21 árs. Sara lék á 215 höggum (+5 samtals) og sigraði með átta högga mun. Berglind Erla Baldursdóttir, GM, varð önnur, og jafnar í 3.-4. sæti voru Helga Signý Pálsdóttir, GR og Elsa Maren Steinarsdóttir, GL, á +21 samtals.
![](https://skagafrettir.is/wp-content/uploads/2023/08/368668701_713609177448916_8006807518050177755_n-1200x800.jpg)
![](https://skagafrettir.is/wp-content/uploads/2023/08/369505492_712867120856455_4471752558534040028_n-900x1200.jpg)
![](https://skagafrettir.is/wp-content/uploads/2023/08/369491194_713477597462074_6897135412222847123_n-1200x800.jpg)
![](https://skagafrettir.is/wp-content/uploads/2023/08/0H5A6793-1-1200x800.jpg)
![](https://skagafrettir.is/wp-content/uploads/2023/08/0H5A8222-1200x800.jpg)