Skagamaðurinn Arnar Gunnlaugsson hefur á undanförnum árum skipað sér í fremstu röð sem knattspyrnuþjálfari. Arnar þjálfar karlalið Víkings í Reykjavík og liðið hefur tryggt sér báða stóru titlana á þessu tímabili – Íslands – og bikarmeistaratitilinn.
Undir stjórn Arnars hefur lið Víkings landað sex stórum titlum frá árinu 2019 – og er Arnar komin í hóp sigursælustu þjálfara undanfarinna fjögurra áratuga.
Árið 2021 var hann valinn sem knattspyrnuþjálfari ársins
Alls hefur Arnar fagnað fimm Íslandsmeistaratitlum og sex bikarmeistaratitlum sem leikmaður og þjálfari.
Í þættinum „Stúkan“ á Stöð 2 sport var greint frá áhugaverðri tölfræði um árangur þjálfara á Íslandi frá árinu 1983 eða síðustu 40 ár. Þar kemur í ljós að Arnar er að nálgast sigursælustu þjálfara allra tíma. Á topp 9 listanum eru þrír þjálfarar frá Akranesi, Arnar, Guðjón Þórðarson og Hörður Helgason.
Flestir stórir titlar þjálfara síðustu 40 ár í karlaflokki á Íslandi.
8: Ólafur Jóhannesson, Guðjón Þórðarson.
7: Heimir Guðjónsson.
6: Ásgeir Elíasson, Arnar Gunnlaugsson, Hörður Helgason, Rúnar Kristinsson.
4: Willum Þór Þórsson, Bjarni Jóhannsson.
Hér fyrir neðan er titlasafn Arnars sem leikmaður og þjálfari.
Leikmaður:
Íslandsmeistari (3).
ÍA (1992, 1995).
FH (2008).
Deildabikarmeistari England:
Leicester City (2000)
Bikarmeistari: (2)
KR: (2003)
FH: (2007)
Markahæsti leikmaður Íslandsmótsins:
ÍA: (1992, 1995).
Þjálfari:
Íslandsmeistari: (2)
Víkingur: (2021, 2023).
Bikarmeistari: (4)
(2019, 2021, 2022, 2023)