Nýverið voru tilboð í innanhússfrágang í nýju íþróttahúsi að Jaðarsbökkum opnuð. Alls bárust fjögur tilboð í verkið.
Fjallað var um tilboðin á fundi skipulags – og umhverfisráðs, auk þess að Mannvit kynnti umsögn fyrirtækisins um hagstæðasta tilboðið.
Kostnaðaráætlun Akraneskaupstaðar í verkefnið var rétt rúmlega 1.1 milljarður kr. eða (1.122.262.324 kr.)
Byggingarfélagið Bestla ehf. bauð tæplega 1,7 milljarða kr. (1.688.044.395 kr.) sem er um 50% yfir kostnaðaráætlun.
E: Sigurðsson ehf bauð rúmlega 1,3 milljarða kr. í verkefnið (1.342.545.580 kr.) sem er 19,6 % yfir kostnaðaráætlun.
Flotgólf ehf. bauð tæplega 1,5 milljarða kr. í verkefnið (1.488.928.810 kr.) sem 32% yfir kostnaðaráætlun.
Sjammi ehf. bauð rétt tæplega 1,5 milljarða kr. eða í verkefnið (1.478.155.671 kr.) sem er tlplega 32% yfir kostnaðaráætlun.
Skipulags- og umhverfisráð samþykkti á fundi sínum að ganga til samninga við lægstbjóðanda, E. Sigurðsson ehf, um verkið.