Skagamaðurinn Einar Margeir Ágústsson er á meðal keppenda á Evrópumótinu í sundi í 25 metra laug.
Keppt er í borginni Otopeni í Rúmeníu og er alls sex keppendur frá Íslandi.
![](https://skagafrettir.is/wp-content/uploads/2023/12/408711249_18004982579506837_3813280248547621026_n-1132x670.jpg)
Skagamaðurinn Eyleifur Ísak Jóhannesson er landsliðsþjálfari Íslands í sundi.
Einar Margeir hefur nú þegar keppt í einni grein, 100 metra bringusundi, en þar var hann alveg við sinn besta tíma og endaði í 24. sæti.
Á morgun, föstudaginn 8. desember, keppir Einar Margeir í undanrásum í 200 metra bringusundi. Á laugardag er Einar Margeir að keppa í undanrásum í 50 metra bringusundi
![](https://skagafrettir.is/wp-content/uploads/2023/01/Einar--895x1200.jpeg)
![](https://skagafrettir.is/wp-content/uploads/2023/12/Einarmargeir-EM--1024x683.webp)
Jóhanna Elín Guðmundsdóttir, Snæfríður Sól Jórunnardóttir, Anton Svein Mckee og Snorri Dagur Einarsson eru einnig á meðal keppenda á EM í 25 metra laug.