Karlalið ÍA í körfubolta byrjar árið 2024 með látum í næst efstu deild Íslandsmótsins.
ÍA hefur leikið þrjá leiki í janúar og landað sigri í þeim öllum.
![](https://skagafrettir.is/wp-content/uploads/2024/01/0H5A0447-1132x670.jpg)
Þrír sigurleikir í röð og liðið er þar með að blanda sér í baráttuna í efri hluta deildarinnar – en Skagamenn eru með 7 sigra og 6 töp eftir fyrstu 13 umferðirnar og er liðið í 6. sæti.
ÍA fékk lið Þróttar úr Vogum í heimsókn á fimmtudaginn – og sigraði ÍA 94-87 í spennandi leik.
Aamondae Coleman var stigahæstur í lið ÍA með 34 stig og 13 fráköst. Srdan Stojanovic skoraði 19 stig, og Styrmir Jónasson skoraði 15 stig.
Næsti leikur ÍA er miðvikudaginn 24. janúar gegn Sindra á útivelli á Höfn í Hornafirði. Næsti heimaleikur ÍA er gegn liði Snæfells föstudaginn 2. febrúar í íþróttahúsinu við Jaðarsbakka.
![](https://skagafrettir.is/wp-content/uploads/2024/01/Screenshot-2024-01-20-at-1.03.36 PM-1200x923.png)