Rekstur Knattspyrnufélags ÍA stendur traustum fótum og í ársreikningi félagsins fyrir árið 2023 kemur fram að félagið hafi skilað tæplega 90 milljóna kr. hagnaði.
Aðafundur KFÍA fór fram í þann 20. febrúar s.l. Þar lagði stjórn félagsins fram ársskýrslu og ársreikning.
![](https://skagafrettir.is/wp-content/uploads/2023/06/IA-KR-knattspyrna-2019-24-1132x670-1-1132x670-1-1132x670.jpeg)
Rekstrartekjur KFÍA námu 285.5 milljónum kr. sem er 50 milljónum kr. meira en á síðasta rekstrarári. Rekstrargjöld voru tæplega 299 milljónir kr. og nam tapið á rekstrinum fyrir fjármagnstekjur og fjármagnsliði rétt um 13 milljónum kr.
Tekjur félagsins, sem flokkaðar eru sem óreglulegur liður í ársreikningi, námu rétt rúmlega 97 milljónir kr. – en þær tekjur koma frá leikmannaviðskiptum KFÍA. Í fyrra námu þessar tekjur 73.5 milljónum kr. Á síðustu tveimur árum hefur KFÍA því fengið rúmlega 170 milljónir kr. í tekjur af leikmannaviðskiptum.
![](https://skagafrettir.is/wp-content/uploads/2024/02/Screenshot-2024-02-23-at-3.50.16 PM-1200x184.png)
Tvær breytingar eru á stjórn félagsins eftir aðalfundinn. Guðrún Þórbjörg Sturlaugsdóttir og Sturlaugur Haraldsson koma inn í stjórnina í stað Freydísar Bjarnadóttur og Sigurðar Þórs Sigursteinssonar.
Ársreikningur KFÍA 2023 er hér:
Stjórn KFIA fyrir árið 2024 skipa:
Eggert Hjelm Herbertsson – Formaður
Ellert Jón Björnsson (endurkjörinn)
Guðrún Þórbjörg Sturlaugsdóttir (kemur ný inn)
Ingimar Elí Hlynsson (Formaður barna- og unglingaráðs)
Jóhannes H. Smárason (endurkjörinn)
Lára Dóra Valdimarsdóttir
Lilja Gunnarsdóttir
Linda Dagmar Hallfreðsdóttir (kemur ný inn en var í fyrri stjórn sem Formaður barna og unglingaráðs)
Sturlaugur Haraldsson (kemur nýr inn)