Karlalið ÍA í knattspyrnu er í góðri stöðu í Lengjubikarkeppni KSÍ eftir 2-1 sigur gegn liði Leiknis í lokaumferð A-riðils 1.
ÍA er í efsta sæti riðilsins en KA gæti með stórsigri í lokaleik sínum náð að komast upp fyrir ÍA. KA mætir liði Leiknis um næstu helgi á heimavelli Leiknis – og þurfa KA-menn að vinna þann leik með 8 marka mun til þess að komast upp fyrir ÍA.
Alls eru fjórir riðlar í A-deild Lengjubikarkeppninnar – og fara efstu liðin úr hverjum riðli fyrir sig í undanúrslit keppninnar.
![](https://skagafrettir.is/wp-content/uploads/2024/03/0H5A5170-1132x670.jpg)
Steinar Þorsteinsson kom ÍA yfir strax á 6. mínútu á gervigrasvellinum í Breiðholti. Shkelzen Veseli jafnaði metin fyrir heimamenn á 26. mínútu. Varamaðurinn Árni Salvar Heimisson skoraði sigurmark ÍA um miðjan síðari hálfleik.
![](https://skagafrettir.is/wp-content/uploads/2024/03/Screenshot-2024-03-04-at-12.26.31 PM-1023x1200.png)
![](https://skagafrettir.is/wp-content/uploads/2024/03/Screenshot-2024-03-04-at-12.26.43 PM-1200x1200.png)