Í dag var skrifað undir viljayfirlýsingu um viðamikla uppbyggingu á Mánabraut 20 á Akranesi.
Í tilkynningu á vef Akraneskaupstaðar kemur fram að í því verkefni sé gert ráð fyrir aðstöðu fyrir ráðhús Akraneskaupstaðar, leiguhúsnæði fyrir stofnanir ríkisins á Akranesi og aðstöðu fyrir nýja heilsugæslu Heilbrigðisstofnunar vesturlands á Akranesi (HVE).
Sigurður Ingi Jóhannsson , Fjármála- og efnahagsráðherra, Willum Þór Þórsson, heilbrigðisráðherra og Haraldur Benediktsson, bæjarstjóri Akraness skrifuðu undir viljayfirlýsinguna í dag.
Viljayfirlýsingin felur í sér að Akraneskaupstaður hyggst endurbyggja Mánabraut 20 þar sem stefnt er að því að ný bygging muni hýsa ráðhús Akraneskaupstaðar og mögulega fleiri stofnanir sveitarfélagsins. Ríkið lýsir yfir áhuga á að leigja aðstöðu í nýju húsnæðinu fyrir starfsemi ríkisstofnana á Akranesi
Gamla skrifstofubygging Sementsverksmiðjunnar við Mánabraut 20, hefur til þessa dags verið í sameign Ríkis og Akraneskaupstaðar. Nú hefur Akraneskaupstaður eignast alla bygginguns og er hafinn undirbúningur að skipulagi. Með viljayfirlýsingu þeirri sem gerð er jafnhliða kaupum Akraneskaupstaðar á eignarhlut Ríkisins er hægt að hefja samstarf um byggingu á nútímanlegri byggingu sem getur hýst ráðhús Akraneskskaupstaðar og mögulega fleiri stofnanir á vegum sveitarfélagsins. Einnig er settur starfshópur með FSRE um að ný bygging verði leiguhúsnæði fyrir stofnanir ríkisins á Akranesi.
Tilkynninguna má lesa í heild sinni á vef Akraneskaupstaðar.
![](https://skagafrettir.is/wp-content/uploads/2024/07/manabraut-1920x1136-1-1132x670.jpg)
![](https://skagafrettir.is/wp-content/uploads/2024/07/undirritun-viljayfirlysing_loka-1200x1200.jpg)