Hjörtur Hjartarson, fyrrum leikmaður ÍA í knattspyrnu, náði að slá draumahögg allra kylfinga þann 28. ágúst s.l.
Hjörtur, sem er félagsmaður í Golfklúbbnum Leyni á Akranesi sló boltann ofaní holu í upphafshögginu á 3. braut Garðavallar.
Hjörtur er þar með félagi í Einherjaklúbb Íslands.
Það geta ekki allir verið Einherjar og það sýnir tölfræðin glögglega.
Árlega eru innan við 1% kylfinga sem ná þessum áfanga eða rétt um 130 kylfingar árlega.
Samkvæmt tölfræðivef Einherjaklúbbsins er Hjörtur sá 31. sem fer holu í höggi á 3. holu Garðavallar.
